![[personal profile]](https://www.dreamwidth.org/img/silk/identity/user.png){kind=small}
ne dierum bonorum obliviscar
Ferias ad finem mensis Augusti, ut solemus, egimus. Nonnulla loca visenda (et revisenda) in indicem nuper adscripseramus, itaque itinera diurna ex eis eligimus.
Primum die nubeculoso nave publico (anglice river bus) in Tamesi ex Embankment ad Greenwich navigavimus. Per porticus et fora Veteris Regalis Collegii Navalis ambulavimus ad architecturam mirandam. Vox cantatricis et melos tibiarum vento adlata nos errantes sequebantur, quod in aedificiis antiquis est schola musicae. Deinde in viciniae centrum iimus ut vetus macellum exploraremus, quo thermopolium in angiportu parvum invenimus. Post prandium caffeae et placentarum, Museum Maritmimum petiimus. Voluimus libros in taberna musei spectare, sed et res antiquae nos pelliciebant ut multas exedras exhibitionesque inviseremus. Exinde in taberna prope flumen cerevisiam bibimus, dum musica nova, carmina gregis jazzensis, e fenestris collegii volitabat.
Postridie ad silvam Epping ferrovia (sc. hypogaea) vecti sumus. Sol nubes fugavit, itaque in umbris arborum manere conati sumus. Heu nonnumquam frustra. In summis aggeribus aetate ferrea aedificatis (Ambresbury Banks nomine) inter terras Trinovantium et Catevellaunorum ambulavimus. E silva in centrum Epping, quo (haud mirum) librariam et thermopolium petiimus.
Die natali in Londinii centrum iimus librarias petendas. Apud Treadwells (haud insolite) grimorium medioaevale latinum et tractatum de Dionyso alchemicum italice scriptum emi.
Ferrovia ad Lewes iter fecimus. Cum ianuam Musei Archaeologiae Sussex attigimus Ippiter umidus oppido minabatur. Congeries rerum ab aetate saxea usque ad regnum Victoriae intuebamur, exinde viam transiimus ut crescente in imbre arcem exploraremus. Omnes ad summas turres ascendimus ut impavidi ventorum aquosum oppidum et longinquos colles caliginosos despectaremus. Madidati neque algentes in oppido perambulavimus. Thermopolium ingens et (pseudo-)rusticum invenimus, cuius caffea praecellat. Et in libraria duos libellos de tramitibus ad arces in Kent & Sussex parvo pretio emimus, quibus nova consilia facemus.
Primum die nubeculoso nave publico (anglice river bus) in Tamesi ex Embankment ad Greenwich navigavimus. Per porticus et fora Veteris Regalis Collegii Navalis ambulavimus ad architecturam mirandam. Vox cantatricis et melos tibiarum vento adlata nos errantes sequebantur, quod in aedificiis antiquis est schola musicae. Deinde in viciniae centrum iimus ut vetus macellum exploraremus, quo thermopolium in angiportu parvum invenimus. Post prandium caffeae et placentarum, Museum Maritmimum petiimus. Voluimus libros in taberna musei spectare, sed et res antiquae nos pelliciebant ut multas exedras exhibitionesque inviseremus. Exinde in taberna prope flumen cerevisiam bibimus, dum musica nova, carmina gregis jazzensis, e fenestris collegii volitabat.
Postridie ad silvam Epping ferrovia (sc. hypogaea) vecti sumus. Sol nubes fugavit, itaque in umbris arborum manere conati sumus. Heu nonnumquam frustra. In summis aggeribus aetate ferrea aedificatis (Ambresbury Banks nomine) inter terras Trinovantium et Catevellaunorum ambulavimus. E silva in centrum Epping, quo (haud mirum) librariam et thermopolium petiimus.
Die natali in Londinii centrum iimus librarias petendas. Apud Treadwells (haud insolite) grimorium medioaevale latinum et tractatum de Dionyso alchemicum italice scriptum emi.
Ferrovia ad Lewes iter fecimus. Cum ianuam Musei Archaeologiae Sussex attigimus Ippiter umidus oppido minabatur. Congeries rerum ab aetate saxea usque ad regnum Victoriae intuebamur, exinde viam transiimus ut crescente in imbre arcem exploraremus. Omnes ad summas turres ascendimus ut impavidi ventorum aquosum oppidum et longinquos colles caliginosos despectaremus. Madidati neque algentes in oppido perambulavimus. Thermopolium ingens et (pseudo-)rusticum invenimus, cuius caffea praecellat. Et in libraria duos libellos de tramitibus ad arces in Kent & Sussex parvo pretio emimus, quibus nova consilia facemus.