De Comitate et Occasu Societatis

Ab ignotis vexari soleo. Paene cotidie in via mihi interveniunt. Aut ista quaestione me interrogant aut commentarium stultum faciunt. Raro ullo comitate agunt. Numquam "ignosce mihi" dicunt. Saepe quaestiones in occipitium iacunt, vel trans viam vel e autocineto clamant. Ita agunt ubi sum et solum et cum Melle. Etenim ubi lego mihi instant.

In ephemeride mea queri nolueram, sed narratio eum requirit ut intellegatur.

Hodie ubi autoraedam longam exspectabam, laete Platonem legebam. Iuvenis mihi approprinquavit. Aliquis iam in occipitium clamaverat, sed dissimulavi me audisse. Hic iuvenis autem mirabile egit. Mihi inquit, "Ignosce mihi." Miratus sum. Et continuavit. "Nolo te perturbare cum legas, sed... habitasne hic fere?"

Ecce! Iuvenis comis! Et qui hanc urbem non habitat (turistes sunt mihi persaepe importuni).

Sic ei dixi me ibi habitare. "Bene," inquit, "Scisne ubi emere possum heroinum?"