(no subject)

Cur semper sum eloquentior cum de rebus turpibus scribo?

De dierum similitudine

Denuo dies ordinem stabilem habent. Ordo dierum est moderatior; vix hebdomadem de hebdoade mutatur. Dies quaeque suae ordini inservit. Dies Saturnis ex eis est pessima quod Mel totam noctem pervesperi incipiens laborare debet. Tum domi semper remaneo; non est gaudium sine illa exire. Hac nocte praeterea tabernae nocturnae nimis musicam technonem canere solent; si tale musica saltare desiderem, in insula est machina lavandaria in quam nummis I dollarum (= £0.603239 vel 0.872658€) iniciam ut eundem eventum efficiam.

Sed digredior.

Similitudo dierum ordoque me taedent. Vitam volo memorabilem propter varietatem, non propter constantiam laboriosam, agere. Intermissionem in usu spero. Nolo semper scire quod cras faciam. Vita non est ritus, vel non sic debet esse. Di non inritentur si aliqua die Martis mature expergiscamur ut prandium caffeae crustorumque prope portum petamus.

Culpa partim mihi est, partim paupertati. Paupertas nunc est vinculum maximum odiosissimumque quod ordine me adligat.