(no subject)

Frustra scientiam peto. Nuper libros Astronomicôn Manilii perlegi, quos dono diei Christi Natalis Mel mihi dedit. Carmen valde mihi per verba et imagines placebat. Sed nunc stellas intueri desidero ; eheu, urbs est lucis plena, tectaque nubilibus. Vix lunam videre possum.

Acroasi de astrologiae et physicis in Dana Centre die Veneris adfuimus. Heu, re vera vix acroasis erat.Oratores aderant iv, scriptor, physicista, machinator et machinatrix. Spectatores in greges iv divisi sunt, et oratores singuli quartam horae partem cuique gregi sermonem dedit. Quaestiones poscebant, sed haud tempus vacabat. Agnosco Danam Centrum provocare ad vulgus velle ac scientiam vulgare, sed istud conatum hac die defecisse puto. Qui acroasi de physicis libenter adest non formam classis, i.e. magistri coram spectatoribus loquentes, et fortasse quaestionibus post sermonem respondentes, odit. Propter benevolentiam inconsultam, nihil didici.