Spleen et Idéal

NB : nolite scandere, est oratio soluta

Mane expergiscor radiis solis ardentis e somno coactus, odoribus noctis in vestimentis et lodicibus circumdatus. Totus mundus sudor et sordes. Nimis vinum bibi, quod merum caput etiam hebetaret. Momentis incertis immotus maneo dein e lecto semianimis repo caffeam petitum, quae semper necesse’st. E cucinae finestra auroram fuscam intueor, squalorem viarum urbis despicio. Siccae fauces : quot cum amicis sigaretas fumavi ! sed caffea guttur raucem breviter mitigat. Ad porticum claudo ; in concreto aspero sedens sigretam ultimam incendo dum immanis noctis cursus recordor. Talibus diebus vere sentio me vivere.

Mane expergiscor radiis solis splendidus e somno adlectatus, calore matutino in vestimentis et lodicibus circumdatus. Totus mundus lux et lenitudo. Nimis vinum bibi, quod falernum caput etiam foveret. Momentis tranquillis immotus maneo dein e lecto semisomnus discedo caffeam petitum, quae semper necesse’st. E cucinae finestra auroram nitidam intueor, congeriem viarum urbis despecto. Siccae fauces : quot cum amicis sermones contuli ! sed caffea guttur raucem dulciter mitigat. Ad porticum erro ; in concreto frigido sedens sigretam ultimam incendo dum iucundae noctis cursus recordor. Talibus diebus vere sentio me vivere.

(no subject)

Heri aegrotabam, sed nox, Sanctus nomine, in taberna quadam nocturna Sohoensi agebatur, in qua et D.U.S.T. et Voices of Masada, quibus in gregibus ambobus amicos habemus, cecinerunt. Mikey infelix valde aegrotans nihilominus carmina cantebat, videlicet inter tussium eruptiones. Et Nim nova in stola brevi nitebat ; Oculos omnes vere vertebat. Morbi causa eheu maturius finierunt. Voices of Masada parvam post moram secuti sunt, et turba coram eis laete saltabat. IV cerevisias Red Stripe viles bibi neque ebriositatem levissimam sentiebam. Hodie autem crapula advenit, sed et puto machinam fumificam dimidiam culpae partem habere.

In aedificio vicino nox Popstars nomine, musicae Glam et Indie dedita, agebatur. Area fumandi autem utriusque tabernae erat communis, cum saepibus ferreis in eius medio ne tribus in sese immiscerent. Plerumque separatim stabamus ; pauci saepes appropinquabat quod machinae calefactantes super ianuis positae sunt. Sed Nick vampiricus ad saepes fortiter ambulabat, legatus. Conatus est etiam legatos Reginarum in tabernam nostram inducere. Nonnullae puellae usque ad solum saltatarium penetraverunt, sed custodes et vampiricus Dionysos (vere se nuncupat iste) secundam legationem inurbane reppulerunt. Itaque reliqua nocte ut Pyramus et Thisbe per rimas saepium tributim colloqubamur.

---

Lianae obviam ivimus apud locum Tufnell Park et ad caffeum litterarum duximus, et paulo post adventum Sandy quoque venit. Cum caffea &c horas de academicis et rebus publicis orbis terrarum totius disceptavimus.

Nunc ad Invocationem apud Minories ! Oportet me photomachinae in sinu non oblivisci.