(no subject)

Die Saturni cum sorore Mellis camelstrong ad planetarium in hortis Greenwich ivimus. Duo inibi programmata spectavimus. Secundum eorum coelum nocturnum super Londinium, stellas eius constellationesque nonnumquam suis cum mythis tractabat, quo fruebamur : solitum erat sed et bonum, nihilominus nubila et imber coelum verum occultabant. Attamen Iovem et Venerem postea in crepusculo breviter videbamus. Programma primum erat pellicula magis IMAXi quam planetarii generis, titulo Invaders of Mars. Sattelites artificiosos et naviculas sideriales ad planetae Martis humum missis disserebat. Narrator erat Tom Baker ; Melli valde placebat. In principio navicula Viking II de fornicis apice descendit : vere videbatur ex scrinio salire ! Deinde historia de observationem Martis peracta'st, e Babylone ad saeculum nostrum. Imago scintillantis Martis rubri in coelum super Porta Istaris etiam oculis adhaerit. Multos conspectus vastitatum martialium, in crateris planitiis vallibus montibus, et photograpicos veros et ordinatro inlustratos, ostendebat : quam pulchrem inanitatem !

Interque postque programmata exhibitiones institutorios intuebamur. Materiam atram et vim gravitatis et nebulas sideriales &c. cognovimus, per ordinatrum quidem naviculam quae Ganymeden exploret una aedificavimus. Subito autem discedere debuimus, quod ianitores omnes eiciebant : nefas discere post horam xi.