(no subject)

Die Saturni viciniam Crouch End exploravimus, quo taberna quaeque est aut popina, aut thermopolium, aut taberna caritatis (anglice Charity Shop). Reliquum diei in atrio mansimus ut omnia ex arcis (etiam) in thecas poneremus. Item die Solis. Ad tabernam nocturnam ire constitueramus, sed noctu ex atrio non egrssi sumus, nisi in bibliotheculam nostram, ut sub lodice in lectulo legeremus. Vere nuper domi plerumque hibernare velim, ut cunctas horas vigiles studiis graecis sumam. Scio me mox societatem petiturum, sed iamiam tranquillitate cum Athenis fruor.