(no subject)

Irabundus die Saturni convictum incommodum praebui. Nihilominus ad caffeum litterarum iterum ivimus ut cum sahra_patroness conveneremus. Puellae quam diligenter studeat. mel serice de hominibus pristinis legebat, deinde aegyptice sententias simplices scribebat. Liana ubstantivisque latinis ahiectivisque declinationis tertiae studebat. illas adiuvabam, de lingua in linguam rursusque saltans dum alia aliave me quicquid rogaret. olim tali facilitate laetatus essem, sed hoc infelici die studiis meis derelictis intus plangebam. Nam adiuvare volebam, et gaudeo me amicam amasiamque docere posse, sed etiam velim res mihi proprias adsequi. Versus quosdam graecos laborabam, qui perdifficiliter calamo nascuntur. Verisimiliter eos bene componere non potui, sed... hem. Reliqua diei parte nixabar, et frustra, donec impedimenta ordinatri inviti me vicerunt.

Die Solis mel magia sua mihi librum impressit ut paginas implicere partes consuere spinam glutinare possem. Repit progressus, nihilominus progreditur. Cuius memini me oportet.

Vesper ad Tanz Macabre in taberna quadam in Soho ivimus, quae nox nataliciam suam tertiam celebrabat (obiter dictu : Soho vespertina sub luce solis immanis videtur). Taberna erat parva sed commoda, etsi ista in vicinia haud pretiosior. Temeta libere (nec eximie quidem, eheu) fundunt tabernarii, et iuniperum domesticum est euge ! Bombay Sapphire. Neque a temetis implicatis defugiunt : mojitos habiliter nobis fecerunt. Temetisque plerumque sigaretisque cenavimus, et placentis parvis. saltatio, colloquia, potatio pectus leniebant. Cum finisset manus gothicorum ingens ad subviam venimus, quod omnes Northern Line convenit. non igitur subito sed gradatim finiebat convivium. Argumentum colloquiorum ebriorum exponere nego ; splendida tum videbantur, sed vere nunc verba incauta auctores suos non decent.