de scriptura

Officio confecto vix hora otio vacat. Donec cottidiana nuperrima superavero tacere videbar. Dicam scribere necesse ad vivendum si verum sit : necesse ad beatitudinem, aio, sed vivimus saepius sine animo beato -- on fait ce qu'on doit. Nisi in autoraeda publica nuper non scribo, et dactylographice transcribere, ut supra sescenties dixi, me non delectat. Itaque silere sive algere ephemeris videtur.

Pugillaribus animadversis de scriptura scilicet in mundo hodierno cogitabam. Quoniam xxvii paginas scriptis ineditis plenas iamaim enumeravi, quas nemini umquam ostendi nec quarum hilium confisus sum. manent quidem -- atramentum in papyro, tutela secreta, quod pugillares omnino mecum ferro aut in sinu aut in sarcina ne desiderio scribendi captus eorum caream. Sigilla atramenti mihi sententias commonefaciunt ne obliviscar, et si e memoria lapsa erint, iterum capere potero -- sic bis cogitationes concretae fiunt.

Olim haec schedae satisfecissent. Hodie nescio, quippe edere facilius possumus, ita necessarius debemus. Scriptura talis non funditus exstat nisi in rete ponitur. Securitatem physicam in loco virtualis (ut dicitur) dimittimus. Aciebus numerorum caecis magis quam tactilibus fidimus. Quoniam multi, permulti aliquando verba sic videbunt aut videlicet videre poterunt. Itane veriora, concretioraque ?

Facillime enim exemplaria electronica -- vere et in papyro -- multiplicari possunt. Sed istam editionem numericum maxime aestimamus. Hanc, aio, non profecto incorporalem esse : aliquo loco data in ordine magnetica in discis quibusdam adsunt, sed quae sine ordinatro legi non possunt. Exitium amborum, sc. papyri et disci, etiam timeo, vel igne vel bello vel furibus vel undis vel custodum neglegentia. Me oportet fortasses in lapide inscribere... sed tempus et tempestas lapidem ipsum conterent. Ἄλλος ἄλλο φοβεῖται · οὐκ ἴσως οἱ αὐτοὶ κίνδυνοι, ἀλλ' οἱ κίνδυνοί εἰσι αὐτοῖς κοινοί.

Ne digrediar argumentum resumam sermonemque latinum. Nam mutant opiniones tempora. Famam captamus -- vix eo ab avis differimus, sed machinis nunc captans plebs utitur, quas machinas proavi non intellexissent nec saepius hodie intellegunt. At famam quoque aliter definire. Noscite me, inquimus, o retiarii ! Verba non facta. Ita facilius est petere -- et ignorari. Neminem pro certo scimus auscultaturum, simul ac egestas commentariorum non significat ignorantia cuncta. Suspicamur enim scripturas nostras ferme praetermitti attamen pergimus. Haud curo ; in profundis clamavi