(no subject)

In vicinia Tower Hamlets, in veteri theatro Wilton's Music Hall nomine, primae actioni pelliculae From Cable street to Brick Lane adfuimus. Eventum illud pugnum viae Cable, quo milia hominum e Londinio orientali in viis viciniae convenerunt ut pompam fascistarum prohiberent, quod abhinc LXXV annos a.d. XI Kal Oct. actum'st. Iudaei, communistae, socialistae, fabri, opifices &c. una vias obsteterunt ne fascistae per viciniam iter facerent. Vigiles, O dedecus ! homines in obtestatione verberabant, fascistas defendebant. Attamen frustra ; « non praetribunt » erat sententiola, et vere non praeterierunt. Pelicula narrabat historiam luctationis cum fascismo racismoque in Londinio orientali ab hac ddie ad aetatem nostram. Ante peliculam grex discipulorum e lyceo propinquo fabulam brevem egit, quam suis verbis (ut dixerunt) cottidiani transtulerunt. Singillatim et una cantabat saltabantque. Vere de choro graeco commonefecit.