(no subject)

Thermopolium Rustique amoenum hortulum muris laterum veteribus cinctum habet. In valle paene situm'st ; aedificia urbana circum adsurgunt, arbustae virides coelum celant. Idoneus locus ad diem aestuosum fugiendum. Peridoneus enim classica cum musica ; vesperi die Veneris amicus noster flavius_m, citharista peritissimus, cum cantatrice Verity nomine carmina Iohannis Dowling cecinit. Opera illius musici, qui Elizabetha I regnante floruit, confiteor me plane ignorasse. Nunc melos ex animo non discedit -- immo ne discedat ! Cottidie musica tam pulchra non fruor.

Nunc dehinc in hortulo iterum canet, eodem die amici peregrinantes Londinium advenient. Spero eos non nimis itinere fatigatos, ut ad thermopolium ducamus.