o tempora... pars CCCXCIV

Hodie in refectorio collegii dum caffeam matutinam adipiscor, cum capite facultatis descriptionis collocutus sum. Discipulos natura intractabiliores et morosiores agitabamus, qui nuntium, etsi in tabulis et scriniis ubique in collegio positum et per epistolas electronicas sescenties publicatum est, dictitant sese ignorare.

— Non legunt, inquit. Noli me propter hoc anillam putare ! Re vera legere recusant. Si pensum scholare uno periodo eis exscribimus, chartulam vibrant explicationem voce exigentes. Nonnulii volunt magistros videographis in loco epistularum electronicarum uti. Futura vereor !