Utinam dies omnes...

[beluosus]

Die Lunae iucundum vesperem egimus Mel et ego. In popina Indica cum amico cenavi, dein in caffeo horas studuimus, illa Sericae recenti, ego Tuscae linguae. Meo cum stylo scriptio litteris Tuscis melius quam et Romanis et Graecis videtur. Sed scriptiones Tuscae tam ordinatim quam Latinae non scalptae; verisimile imperitia manus me iuvat (chirographia mea numquam bella videtur, et porro hieroglyphos cum hominibus deformibus avibusque pinguis scribo; sed digredior). Lesbiades in thermopolio garrulae fuerunt et caffeam gratis dederunt. Post studia domum per imbrem ambulavimus. Domi paucas horas philosophiam et litteras classicas legimus. Dein in cubitum ivimus; somnum verumtamen non mox advenit.