(no subject)

[beluosus]

corpore flexibili delectabar, Rhodopeia
  flexibile aeque tum, Saeva, erat tibi cor

De qua scriptum 'st pro certo, an de hac an de illa, dicere non possum. Si sit fortasse de ista, de qua consteti numquam scribere, quia tam odiosa est ut foeda sit eius memoria, vere nescio. Tamen quam ardenter ista crisabat.

Quod possum, immo me oportet dicere rei metricae pertinet. Elegi sunt mihi perdifficiles. Versus primus, hexameter, numquam mihi labor ingens videtur. Sed pentameter horas difficultatibus plenas semper sumit. Sine Gradibus mihi dulcissimis, plane inteream.

Comments

[jdm314.livejournal.com]

Scilicet opus est hiatu in pentametro, nisi numeros scandi. Licet hiatum habere, sed evitandum est.

Quoque:
"an de hac, an de illa..."
"Tamen quam avide ista futuebat."

(Scilicet, apud antiquos, "futuere" est paene semper id quod vir mulieri facit, rarissime quod vir pathico, seu quod mulier viri—nisi illa tibas hic pathicus sint! Sed tibi tabo licentiam ut tamquam voce Anglica illo verbo utaris, nam si Romanius "quam avide ista futuebatur!" scribis, argumentum sententiae perids ;) )

[jdm314.livejournal.com]

ipsum me corrigam, nam error typographicum sententiam difficilem facit:

"nisi illa tribas hic pathicus sit!"

[beluosus]

Ob emendationes tibi sescentas gratias ago.

Scio hiatum evitandum esse, et soleo evitare. Confiteor tamen me hiatum amare. Saltem --cur ignoro sed mihi placet ita-- malo hiatu uti quam elidere. Primum in loco Saevae scripseram semper, sed repetitio er syllabae (semper erat) mihi inspeciosa visa est.

futuebat/ur
Nolim eam tribadem dicere. Memini semel Martialem verbo futuo activo pro femina uti, sed QLINLB*. Verbum tamen passivum evitare velim, quod ad passivitatem haudquaquam pertinet. Itaque sententiam muto ut verbis aliis activisque utatur.

Hem, vere non glorior; inhumana erat puella ista dirissimaque.



* Quod licet Iovi... Acronomina interretis, nisi per iocum ficta, odi et arceo. Hic resistere non potui.