nec verum nec falsum

[beluosus]

Mane in subvia larvam vidi. Imaginem in fenestrae vitro primum pulchram mox horrificam conspexi. Iaponica videtur; vultus erat orbis planus, bellus sed obscurus. Dissoluta erat coma, cutis fusca facta'st pallida. Oculos habebat nullos, in eorum locis erant atrae rimae lunatae. Utrum momenta an horas immotam spectarem nescio, sed tandem facies mutabatur. Os quam lente hiscebat, sicuti gurges ad infera aperiebatur, et sine voce faciem ulula torquebat. Dein ex ore prolabebatur lingua tumida et labia lambendo laborabat. Aerumna confecta in tenebris regressa est. Aetatem conquiescebat, et terrore frigido derigui. Motum denique percepi. Intuebar-- non potebam quin intuerer --cavum istud dolorose cum tarditate imam faciem findere ut vermis immundus iterum pertemptaret. Dum subvia insistit, sub portam motus sum ut fugerem. Me silente secuta est, et acies caeca a fenestra repercussa me transfixit. Aperta'st porta, in suggestum festinavi. Loco prope columnum solito attacto, furtive respexi; evanuerat.

Comments

[cleverthylacine]

http://www.livejournal.com/directory.bml?opt_sort=ut&s_loc=1&loc_cn=UK&loc_st=Britannia&loc_ci=Londinium

You will be amused to know that on a location search for Londinium, yours is the only journal that shows up that is not in my RPG. At least I was. I should break out Wheelock and try reading your journal for practise sometime :)

[beluosus]

How odd.