Whitby

Fuit Whitby. Laetabamur et saeviabamus, ut solemus ; erant risus et lacrumae et ineptia. Nescio quid dicendum.

Nimis amicis aut mente aut corpore aberam, non satis de quibusdam rebus per horas solitudinis cogitabam. Congeries papyrorum in sarcina attuleram, quam vix consideravi. Pauca photographica feci, etsi photomachina in sinu ubique ferebam. Si non aegrotavissem, saepius gavisus essem.

Sed et oppidum amoenum gothis obsessum non potest quin dies noctesque oblectet. Itaque mentionem de oblectamentis temere facio : bis die Iovis sedes faciliter in taberna Elsinore nancti sumus, librum de architectura die emi nocte perlegi, libros II de larvis emimus, multas (alias) historias de lemuribus veras in casula legi, per abbatiam sub coelo imbrifero erravimus, sepulchrum piratae invenimus, ebriissime philosophia poeseque antiqua tractavimus, vinum atrum in machina refrigeratoria (!) invenimus, sole occidente parva in nave navigavimus, bis in thermopolio Sherlock Holmes prandimus, distichon elegaicum composui...

Videlicet maeste Londinium pervenimus.