Cry 'Havoc' and let slip the dogs of war

Shakespearianam fabulam Iulii Caesaris RSC in theatro Noel Coward agebat, quam A.D. XVI KAL. SEPT. (anteaquam iimus Lutetiam) spectavimus.

Ut saepius dixi, fabularum mutatis cum locis temporibusque shakespearianarum me piget. Tales mutationes perraro fabulae non nocent, immo molestae et incommodae videntur. Macbeth malo in Caledonia medioaevali agi, Romeo & Juliet in Verona, Hamlet in Dania. Pro certo ut amator classicorum Iulium Caesarem nisi Romae antiquae (scilicet et Philippis) nolo spectare.

Attamen locus insolitus et tempus -- Africa hodierna -- hoc spectaculum valde confirmabant. Scaena, cum scalis et tabulatis concreti hic illic fragosis primum viam urbis, dein Palatinum, dein curiam, tandem tabernacula effingebat. Actores anglica voce africana loquebantur, quae vivde scaenam perficiebat. Caesar (Jeffery Kissoon) sythesin candidum gerebat, cohorte circumdabatur. Fautores imagines eius in pompa ferebant. Dictatorem summum sese ostendebat, quem populus aut amabat aut timebat. Calpurnia (Ann Ogbomo) erat magna et elegans. Portiam (Adjoa Andoh) tragiciorem numquam spectavi. Marcus Antonius (Ray Fearon) erat pulchrior et superbior, cum corpore athletae sed et rhetorice Ciceronis. Octavius (Ivanno Jeremiah) iuvenis erat miles, terrificus durusque. Vates (Theo Ogundipe) argilla inlitum est ; vere ambulare inter vivos et inferos videbatur. Brutus (Paterson Joseph) et Cassius (Cyril Nri) erant, ut simpliciter dicam, mirifici.

Hic in rete excerpta &c invenies ut videas.

---

Cras pergam photographas e Lutetia edere.