(no subject)

Primo lycei anno in classe anglica debuimus librum The Count of Monte Cristo Alexandri Dumas maioris legere. Hoc nuntiato magnopere gavisus sum, quoniam tum memineram peliculae illius -- in qua Richardo Chamberlain partes primas egit -- quam puellus in televisorio spectavi ac valde dilexi. Hem, ut semper in schola, expectatio me saeviter proditit. O librum taediosum ! Nescio an perlegerem an CCC post paginas seponerem. Cum haec ita sint, certe postea exemplar francogallicum numquam petii ; non solum verba displicebat sed etiam narratio et argumentum. Fortasse Chamberlain suavitate me pellicuerat... fortasse puelli perparvi (circa IV annos natu) non sint boni arbitri elegantiae.

Eadem paene aetate amica Stephanie mihi florilegium Dorotheae Parker ostendit, cuius statim mihimet exemplar emi. In eo carmen de patreque Dumas filioque inveni, cuius, nomine Dumas audito, versus usque quaque in animo volitare faceret, et cui sine dubio consentiebam (re vera, Dorothy Parker est sola poetria (vel poeta) cuius carmina anglice recitare possum). Although I work, and seldom cease...

Sic permultos annon opinionem tenebam. Nam, cum iter Beijing fecissemus, Mel tot libros emit quot ego Lutetiae soleo. Non solum libros classicos et tractatus de historia et mythologia academicos adepta'st ; totidem libros pictos, serice 连环画 (liánhuánhuà : « picturae concatenatae ») ut praedam repperit. Liánhuánhuà plerumque aut mythos aut eventa ex historia antiqua aut fabellas quae communismum propagarent recentiores (saepe e saeclo XX) narrant. Nonnullae sunt fabellae alienae. In mensa magnae librariae liánhuánhuà plena, fascisculum trium libellorum inveni, qui historias occidentales narrant. Credidi unum, propter picturam in tegumento, vitas Alexandri Magni esse ; cum in deversorio fasciculum aperuissemus, cognovi hunc historiam Spartaci narrare. Inter eos in fasciculo celata erat historia Robini Hood. Alio in fasciculo erat libellus mysteriosus ; Mel debuit et nomen scriptricis et titulum enodare, et neutrum tum novimus : The Gadfly, qui ab Ethel Voynich scriptu'st et a communistis valde laudabatur. Sed cum hoc erat La Dame aux Camélias. Libro lecto, Mel dixit fabellam esse valde similem historiis generis « discipuli et pulchrae » ex aetate Ming. Atque volebat olim fabulam francogallice legere. Laudes illius mihi quoque suaserunt.

Itaque Lutetiae librum emimus, quem nunc lego et mirabile dictu ! amo. Soleo diu capita nonnulla perlegere, dein noctu picturas intueor. Picturae solum narrationem Armandi sequuntur, ut ad paginam LX incipiant, sed dehinc omnia fideliter depingunt. Quam gaudium !


茶花女 - La Dame aux Camélias


Armand cum Margarita conloquitur


alii libelli
Fortissimae VIII, quae in flumine sese submerserunt 八女投江 ——— 钟以和小白龙 Zhong Yi et parvus draco albus
Fallax Simia Rex 真假猴王 ——— 斯巴达克 Spartacus
The Gadfly 牛虻 ——— 罗宾汉 Robin Hood
Crinale in forma phoenicis 钗头凤 ——— 金沙江畔 ripa Jinsha