heu

Mane die Iovis cum ad laborem ambulabam (ut nunc propter pestem soleo), rem conspexi, tam brevem quam cottidianam, quae nihilominus stomachum movit. Avus, senex robustus, puerum minorem quam XII annos natum ad scholam ducebat. Femina quaedam habitu curstrix eos in pavimento ex adverso praeteriit. Puer garrulus insistit, intorsit caput ut ore hiante culum abeuntem inspiciat. Subtiliores in scaena gestus vidi. Hucusque sat foedum, attamen senex colophonem addidit, quippe renidens puerum despectavit, elata fronte superbus quod adolescens fiebat vir.