(no subject)

[beluosus]

Hoc, inquam, faciam, sic agam, haec mox geram, ita constitui. Talia verba etsi ardenter crederem eheu sunt pessimum fascinum. Foris optare est foris obruere. Confessio peractorum -- vel peccatorum, haud refert -- saltem te effecisse ostendit. Propositum saepius verbis inanibus continetur. Utinam adfrimatio in papyro esset defixio, dei scriptorum pium moverent. Itaque sileo, iterum tacitus ne Parcas inimicas incitem.

Comments

[(Anonymous)]

Ignoscas mihi quaeso si a scopo et ab argumento aberraverim. nam tua commentariola et Latine et Graece tam diserte scripta semper gaudium mihi ferunt, qua de causa, fretus tua doctrina et sapientia, quippe qui in Britannia verseris, efflagito scire quomodo tua sententia debeamus universitatis nomen "oxonii" et adiectivum "oxoniensis" in sermonem Graecum vertere? Tibi maximas gratias agam si non molestum tibi fuerit haec mihi enodare.

[beluosus]

Laetor te ephemeridem meam gaudere scriptionemque disertam putare. Atque haud molesta est rogatiuncula.

Ad rem : Si quid thesauro verborum Woodhousensi deest, linguam hodiernam animadverto ; itaque ἡ Οξφόρδη. Attamen quaestione lecta verbum statim mihi accurit : ὁ Βόσπορος (sc. ὁ ἐν Βρεττανίᾳ).

In loco adiectivi, casu genetivo nominis utar.