beluosus | (no subject)

Die Lunae Oliver nos ad spectaculum Robin Ince's School for Gifted Children nomine duxit. Crediderat Oliver philosophum naturalem notatum adesse ; eheu ! falsus est. Prius e serie, ut nobis dixit, erat eventum rationalismo et philosophiae naturali per comoediam musicamque deditum. Hoc erat vesper comoediae musicaeque in genere. Hospes ipse iocosissimus erat. Puella quae partes varias induebat ut monologos ageret quoque valde placebat. Musicam fateor plerumque non gustu meo convenire... donec Robyn Hitchcock in scaenam ambulavit. Citharam canebat et cantabat dum in scaena erravit. Carmen interdum desiit ut musicos alios tubae vel tympanorum melos canere imperaret. Carmen postremum, Olé! Tarantula, omnibus cum actoribus cecinit. Deinde, ut noctem finiret, acroasem dedit Alan Moore. De notione mundorum paralellorum et religione loquebatur, ut ambas contemneret. Sese agnovit numen, « pupam e secundo saeclo », colere, sed dixit religionem, quae eo ullum opinionum turbae significaret concursum, magnum hominibus malum. Bonus est orator ; utinam contionem longiorem habuisset.