beluosus | (no subject)

Die Veneris ad viciniam Southwark post laborem properavi ad vesperem oenologicum gerendum. Becky manum amicorum (eramus ego, Mel, Rob, Ray, Chantal, Danny, Donia) convocaverat, qui quadam in taberna propinqua coiverunt. Quoniam ante vinum, scilicet cerevisia vilis necesse fuit. Re vera, eventibus noctis haud nocuit, ut explicabo.

Expectationes cum factis valde discrepabant. Locus, Vinopolis nomine, erat ingens ; in loco horrei romani aedificatus est, et in atrio amphorae sub vitro antiquae ostentantur. Advenientes quinquaginta homines in vestibulo conspeximus. Cum aliis conventubus ad vinum gustatum adfuissem, parva grex tranquilla in cella lentule ac comiter discebat tentabat disceptabat. Hic turba parvum in amphitheatrum conducitur. Singulis hospitibus calix X fere cochlearibus vini deditur cum admonitione : non iam bibendum. Quartam horae partem femina semi-ebria microphonigera orationem dedit, ut omnnes gustare vinum doceret, deinde turbam in circum cavernarum misit.

Tesseras VI habebant omnes ad vinum gustatum. Nonnulli, sicut nos, tesseras insuper II cerevisiae et VI ad temeta reperta (binas rum, vischii, absinthi) ferebant. Primum in labyrintho vinorum diffugimus. Vina (plerumquae X cochlearum sed nonnumquam magis) e Graecia, Slovenia, Gallia, Germania, et Brasilia adeptus sum. Post vinum in exedra iuniperi convenimus, dein ad mensa temetorum. Tesseras inter nos commutavimus ut cuncti dilectissima temeta biberemus ; ego igitur poculum iv cochlearibus absinthi boiohaemici plenum recipere potui. Cum denique ianuae claudebantur ebrie in viam claudebamus... et statim in tabernam propinquam.