(no subject)

[beluosus]

Magis scribo, magis ephemeris silet. Fabulam (scilicet oratione soluta) componere mense Novembri, ut credo, coeperam. Studium ei eheu decrevit, ut seponerem. Denique quid in animo caecum maturui, ut facile verba de calamo exundabant. Primum in itinere ad mare hoc animadverti ; vel oppidum vel litus explorabamus, et cum hic illic paucis momentis aut horis demorati essemus, stylo sumpto paginas sine dubio implebam. Etsi in media sententia desii, postea sine mora resumpsi. Attamen post in Vrbem reventum hebdomades iv dilaberentur sivi. Diebus Saturni Solisque, longis in mediis feriis, solus in thermopolio in urbis centro ivi ad fabulam componendam, et iterum perfacile paginas implevi.

Spero me scriptionem primam mox perfecturum ; moram respuere malim, sed et saltem scio me eius non oblitum iri. Vero undecim annos in animo dormiebat. Olim fuit somnium, quod velut pelicula in mente actum'st ; ego funditus, nisi spectator, afui. Memini etiam postero vespere me Michaeli somnium narravisse, cum in via ad convivium apud Mali ambulabamus. Fabulas de larvis disceptabamus. Hortatus est somnium in peliculam veram facerem, et postea -- quodam in thermoplio scilicet -- argumentum exscripsi. Deinde... nihil feci. Utrum argumentum amiserim annon, nescio, sed non refert : numquam oblitus sum.

Scaenam enim et saeculum mutavi ; in loco Seattlei hodierni, nunc Athenis L. Lamia Aeliano Sex. Carminio Veto coss. (a.u.c. DCCCLXIX) agitur. Idem argumentum manet.

Τοσαῦτα δὲ ἔτη ἐκάθευδεν · καιρός ἐστιν τῆς γραφής.

Comments

[beluosus]

Pro certo, semper fabulas in animo fingebam etiamque fingo. Maximam earum partem non aestimo, nec umquam patefaciam. Paucarum attamen tandem narrationem mente perficio ut calamo audeo ; at haec vel difficile vel multos post annos nascuntur. Somniis saepe utor, etsi plerumque argumentis carent. Vero ea exscribere coepi ut descriptiones peritius exscriberem, neque eventa narrarem. Somnia multa numquam enarravi, sed elementa imaginesque furtus sum ad fabulas scribendas.

Sine dubio fabulam perfectam in ephemeride efferam. Tralationem anglicam nonnullis amicis -- et Melli praecipue, quod vere pro illi hanc in fine scribo -- ostendam, sed velim fabulam ut scriptam lecturam esse, i.e. latine.

Gaudeo fabulas somniaque tibi placere. Ego quoque hortor, mi amice, ut conaris ficta aut somnia enarrare. Quoniam somnia nihil sunt nisi res gestae ipsius mentis, et res gestas, ut agnoscis et quo iudicio consentio, bene narras.

[beluosus]

Et gratias ago mentionis Leonis Allatii, cuius epistolam investigabo.

Ego nunc libro Deborae Felton Haunted Greece and Rome maxime fruor.