(no subject)

[beluosus]

Est in vicinia Bloomsbury, haud procul Museo Britannico, taberna quo omnia instumenta artificum materiaeque veneunt, quam olim enim exploravi ; tametsi magno pretio nonnulla merx, aequo rara et bona et cara. Ibi atramentum emi et acies stylarum, e quibus dilectissima, ista quae Yod vel indicis forma habet, cuius imaginem saepe in ephemeride ostentabam. Vespere tabernam praeterivi, cum ad bibliopolam librorum occultorum ambulavissem, et dum fenestram intuebar hoc statim mentem percutit : haec videtur taberna arcanorum. Exhibitio mercis in fenestra arte suapte ordinabatur, et species thecarum intus lignearum cum adfluentia mirorum sententiam confirmat. Aliae arcae penicillos virgasque patefaciebant, aliae calces versicolores. Aderant urnae vitreae variis mixturis -- et liquoribus et pulveribus -- plenae, titulos ferentes arcanos : caerulea aegyptia, flava indica, lux violacea. Praeter his sunt argilla, atramenta, liquores argenti aurique, lapides, vitrum, fictilia, cultri, mensurae, spongeae, idem ac instrumenta nonnulla quorum usus nisi initiis vere incompertus sit. Credas fortasse magiam exinde oriri -- hem, re vera, non erres.