beluosus | (no subject)

Nocte die Saturni, ut phoenix e quisquiliis resurgens, Dead & Buried in nova taberna actum'st. Quam feliciter solum quartam horae partem a diaeta ad tabernam ambulare necesse fuit. ; proprius est quam taberna Horatia quidem. Haec nuerrima taberna, the Hideaway nomine, sicut Gallia omnis in partes tres divisa est. Prima et maxima pars erat hipsteribus plena. Inibi canebat musica quam hipstres amant, aut quam dicunt se amare. In supero tabulato erant lavatrinae. In subsolio igitur natio nostra convenerunt. Quam parvulum subsolium ! Mox frequentius factum'st, ut saltatio in angustiis magna cum cura necesse esset. Atqe subsolium bene prgatum erat ; putarem nos in Cross Kings inesse -- sed in televisorio, nec vere in vita. Lex vestimentorum (anglice dress code) lapsa est, eheu ! nobis pernicie. Quoniam magnus enim adulsecentulus barbatus, ursus fere, foetore suo sudoris veteris canique madidati solum saltatorium possedit. Adeo horrifer erat -- multi quidem die postero in rete planxerunt -- ut DJ foris veniam peteret. Praeter hoc omnes gavisi sumus.