(no subject)

[beluosus]

Heri medicum invisere debui -- nil sollicitandum, quod tum solite eum consului. Insolite autem ministra quaedam mihi folium interrogativum dedit ; noscomium nunc anxietati diffractoque animo suorum aegrorum studet. Vere haud ignorabam me nuper (hem, menses) anxium maestumque -- ut ephemeridis scriptura, immo eius paucitasve paupertasve valde ostendebat -- sed miseriam in papyro videre frigidas per quaestiones enumeratam intuens, quam dure pondus sentiebam.

Comments

[nemo oudeis (from livejournal.com)]

Quidnam potest anxietatem et diffractum animum in profundiorem angorem demittere, quam formulae grapheocratarum et schedae frigidae?

[beluosus]

Pro certo stultitia instituti benevolentiae nocet...