beluosus | (no subject)

Atrium purgans librum quendam ex acervo suscepi, cuius lectionem nuper consderabam, posteaquam codicem Somnii domuum rubrarum primum (e IV !) perfecero. Bonus enim est liber classicus, attamen illius tres milia paginarum sine mora perlegere nequeo. Praeterea debeo anglice legere : eheu ! aliquando et ego sum barbarus. Itaque tractatum de magia antiquitatis graeco-romanae legere in animo habui. Cum librum in thecam posuissem, frusta papyri inter paginas conspexi multa ; sic locos mihimet indicere soleo ut quondam iterum per studia intuear. Nonne hunc iam perlegi ;? Plane illius non memini. Vestigia quidem lectionis negare haud possum. Memoria funditus abest. In situ Goodreads meas « thecas » respexi ut cognoscerem. Vero mense Septembri non solum perlegi, sed etiam dilexi. Utrum medicamen memoriae noceat an senectus nescio. Utrimque sollicitor.