(no subject)

[beluosus]

Locis in ephemeride recentibus respectis -- immo, locis complurium annorum -- ariditatis me paenitet. Olim cum e taberna nocturna vel ex exhibitione domum revenissem, nil volui quin confestim eventa exscriberem. Nunc autem sententias paucas componere luctor. Abnoctandi gaudium me stimulat ad omnia in commentariis notandum -- gaudium quod etiam sentit grave cor -- sed primis scintillis extinctis dubito, et dubium calamum emulget. Sententias tres exscribere deinde luctor, quae nihil exprimant. Debeo pugillares numquam seponere, numquam domi relinquere, nec me oportet dubitare inter amicis stylum sumere, commentarios ubique deducere. Est fulgor momenti quem atramento capere velim, ne hebescat neque in oblivionem cadat. Non solum peto memoriam servare sed etiam vitam pulchre (aut pulchritudinem vitae) depingere. Hinc ivi, hoc vidi -- tantum scribendi taedium quam legendi. Sit mihi exemplar Sanctus Iacobus angelocephalus. Apud eum numquam : in tabernam veni, jazz ibi canitur, qua valde fruebar. Cum ille musicam describit, legens vere audis. Melius esset exemplar latinum habere, sed...

Comments

[(Anonymous)]

Quis autem est Sanctus Iacobus angelocephalus? Nomen enim nec mihi notum est, nec parum liquet: sed in mentem vocat Valetudinarium Sancti Iacobi.

[beluosus]

Scriptor beatus est Jack Kerouac ; sic semper scribo per iocum, secundum illud poetae Allani Ginsberg dictum « Angel-headed hipster ».