Calke Abbey - pars prima

[beluosus]

Calke Abbey est, immo fuit, domus elegans saeculo XVIII aedificata. Saeculo XX, familia a Felicitate destituta, domus fiebat ruina. Cum National Trust fundum emisset, non restituit, ut ruina vicissitudines Fortunae primum post bellum mundialem commemoraret.

Vere pelliculam horroris vel ludum ordinatralium commonefacit. Vade mecum... si audes !

Comments

[cnoocy]

Fortasse est programma Doctoris Cujus; inest res quaedam plane extraterrestrialis in forma ovi cornuti!

[beluosus]

Fortasse ille Doctor eam ruinam explorare posset, attamen non mirarer si Iohannes Sunderland vel Harrius Mason (e serie ludorum ordinatralium Silent Hill) inibi nobis obviam ivisset.

[nemo oudeis (from livejournal.com)]

Si dixisses hanc domum esse tuam, non auderem id infitias ire, nisi quod non in urbe sed ruri sita minus tuae urbanitati apta videtur. Alioquin illae aedes tibi maxime congrurere videntur, et praecipue propter acervos librorum ubique iacentes!

[beluosus]

Hahae ! Vero ruri habitare discerem, si talibus in aedibus incolarem. Pro certo inibi satis spatium haberem ut acervatim libros mihi omnes tenerem.