beluosus | ΕΠΟΙΗΣΑ

Saepius, ut credo, de difficultatibus novorum pugillarium querellas exscripsi. Laete enim chirographum mihi est perparvum, ut non tale obstaculum nisi perraro occurram. Quam timebunda pagina prima, ista vastitas quam stylus solitarius transire debet. Quidnam inveniet ? errabitne ? anne sapientiam quoquomodo reperiet, anachoretam in albo deserto ? Peritie num ibit ac conncinne, an semitam faciet maculosam, vitia et peccata ostendentem ? Bonum et purum et mirum quidem captat, nihilominus catpatio ipsa deserit prodat diruit. Calamus sollicitudinibus oneratus non adsurgit nec dubiis adstrictus profluit. Haec agnosco, sed et semper coram eis venio inermis. O scriptor, supera te ipsum !

Nam, veteres pugillares IV paene annos habebam anteaquam ultimam paginam replevi, ut novitatem iniucundam longius evitarem. Eorum prima in pagina commentarios propere exscripsi, loco libri philosophiae incitatus ; sic aporiam reppuli. Atquo magno albo carmen, invocationem Musarum, composui quo primam paginam ornarem. Nihilominus tempus progreditur et sententiae pandebantur donec ultimum campum obsederunt. Ita gravi cum corde cognovi me novos pugillares necesse glutinaturum. Volui tegumen durius ; tegumen quippe papyri omne a spina avulsum'st.

Ita die saturni Mel et ego in Vrbis centurm ivimus materiam petitum. In taberna artium etiam erat papyrus caerulaeus, quem diu amabam sed cuius usum ignorarem. Denique tum me pellexit ut ad novos pugillares glutinationem emerem. Pulcher est et durus, etsi iam maculosus usu et in sacco ferendoque. Papyrum quoque Melli emimus, calvariis mexicanis ornatum, quo ei album tegam.

A taberna in librariam ambulavimus, cui in subsolio est taberna quo res ad scriptionem venum eunt. Plumbagines ad penicillum mechanicum emer debui, ut studiis apuud Bibliothecam Britannicam commentarios facere possem ; sed de hoc alias. cum in libraria fuissemus, explorare opus erat. Mel librum de religione sericorum, ego La danse macabre des femmes, Totentanz e saeculo XIIII veteri-francogallice scriptum. Exinde cum thesauris in thermopolium propinquum iimus studia solita persequentes.

Itaque hac narratione pugillares implere coepi.