(no subject)

[beluosus]

Vespere die Veneris post laborem ad viciniam Southwark properavi. Propter pluvium crassissimum ingenti in taberna prope ripam Mel celabat. Nisi epistolam electronicam mississet, eam in labyrintho cellarum numquam invenissem. A taberna in popinam propinquam. Cena cenata ad theatrum Globe, quo IV spectacula hoc anno spectavimus. Tamen tum non in scaena lumine candelarum, sed sub divo in pluvia fabulam spectabamus. Immo vero, sub tecto in acie prope murum sedebamus : non solum imbre sed etiam genubus spectatorum obtecti ! Ac parvo pretio, quippe Mel quaestionibus electronicis responserat, ut theatrum de locutoribus linguarum sericorum disceret. Aderamus igitur ut fabulam de Rege Ricardo III spectaremus mandarine actam. Scilicet solum c. X verba intellego, quae plerumque hac in fabula non eminent. Non sunt multos in Britannia montes (山 shān), nec copiae coram portis (门 mén) semper pugnabant. Rex non gratias agit (谢谢 xiè​xie) : imperat. Absunt in historia dracones (龙 lóng, quem melius scio 龍 scriptum) et numina (仙 xiān). Culter (刀 dāo (quoque gladius)) non tanto ostenditur quam in Macbeth. Atque Exit (出 chū) non dicitur ab histrionibus peritis. In principio autem Angliam (英国 Yīng​guó) saepe audivi, et agnovi nobiles populumque more maiorum regnum X milium annorum (万岁 wàn​suì, plene 万岁万岁万万岁) optare. Mel dixit se tertiam orationum partem intellexisse. Re vera, ei inquam, discipuli fabulam anglice legentes saepius non tantopere accipiunt.