![[personal profile]](https://www.dreamwidth.org/img/silk/identity/user.png){kind=small}
Pone tabernam King's Head in via Upper Street est theatrum perparvum eodem nomine, quo heri fabulam novam Nobody's Business titulo spectaremus. Primum hac nocte fabula acta'st. Mima Katy Manning, amica Mellis, primas partes agit, ut iuxta scaenam sedimus (Noli prima nocte adesse, ait Melli, horribilis iam erit ! Cui monitui non credidimus -- ac recte).
Ante fabulam tribus cum amicis Mellis conveneramus, qui histriones e serie televisoria Doctor Who persequerentur chirographa petentes. Non solent fabulas spectare, sed in via post theatrum coram ianua scaenae (ut dicitur) cum stylo et albo insidiantur. Mel hortatur ut in theatrum inirent, fabulas ipsas spectarent ; nonnulli dicunt se fabulam in theatro numquam spectasse !
Post fabulam in taberna dum adventum mimae exspectamus iterum potus adeptus sum. Hac nocte quaestiuncula tabernaria (anglice pub quiz) agebatur. In obice erat mercator quidam sua cum amiculla -- verisimiliter e labore in tabernam iverant, quod sytheses iam gerebant -- qui quaestiones animadvertebant. Et memet furtim rogaverunt num genus canis recognoverim. Tabernarius occupatus, ut lente cerevisias effuderet. Itaque cum quaestionum dux responsa recta declamabat, etiam in obice exspectabam.
Unum e responsorum numero erat Knight Bus. Mercator ad me vorsit -- amiciter garrulus quippe ebrius -- et, Proximum, ait, responsum erit « Harrius Potter ». Vero erat. Amamus, ait, Harrium Potter. Deinde, oblique ne amiculla auscultaret, mihi inter viros nictans, Attamen, inquit, magis Hermionen amamus...
Ante fabulam tribus cum amicis Mellis conveneramus, qui histriones e serie televisoria Doctor Who persequerentur chirographa petentes. Non solent fabulas spectare, sed in via post theatrum coram ianua scaenae (ut dicitur) cum stylo et albo insidiantur. Mel hortatur ut in theatrum inirent, fabulas ipsas spectarent ; nonnulli dicunt se fabulam in theatro numquam spectasse !
Post fabulam in taberna dum adventum mimae exspectamus iterum potus adeptus sum. Hac nocte quaestiuncula tabernaria (anglice pub quiz) agebatur. In obice erat mercator quidam sua cum amiculla -- verisimiliter e labore in tabernam iverant, quod sytheses iam gerebant -- qui quaestiones animadvertebant. Et memet furtim rogaverunt num genus canis recognoverim. Tabernarius occupatus, ut lente cerevisias effuderet. Itaque cum quaestionum dux responsa recta declamabat, etiam in obice exspectabam.
Unum e responsorum numero erat Knight Bus. Mercator ad me vorsit -- amiciter garrulus quippe ebrius -- et, Proximum, ait, responsum erit « Harrius Potter ». Vero erat. Amamus, ait, Harrium Potter. Deinde, oblique ne amiculla auscultaret, mihi inter viros nictans, Attamen, inquit, magis Hermionen amamus...
