mors academica

[beluosus]

Mortus est nuper discipulus. An occisus sit an mortem sibi confecerit nescio ; si vigiles rectoribus collegii causam nuntiavissent, nullus rumor mihi aures attigit.

Cum haec ita sint, possessiones sua in capsa prope aulam scolarem reliquerat. Primum vigiles vetuerunt eas semoveri, dein quaestionibus confectis sinebant collegium capsam vacuare. Res tam gravis erat ut Caput Collegii debuit seipsum implicare. Caput igitur ad capsam duxi egomet ut pro eo aperirem.

Nullum insolitum inerat, nisi telephonum mobile ; quisnam nunc telephonum derelinquat ? Sed conspectus relictorum Caput enervavit. Iussit me omnia plasticis in saccis colligere et in apothecen convehere, deinde celeriter veniam poposcit ut effugert.

O dedecus ! O ignaviam ! Nolui bona eius in saccis sicut quisquilias ponere, itaque e taberna collegii arculas chartaceas adeptus sum, quas citissime implevi ne condiscipuli me conspicerent.

Comments

:(

[arbitrixelegantiarum]

Quam tristem nuntium, beluose, nobis attulisti. Mors dolorem semper secum fert, ubi autem iuvenem nocet, non modo crudelis sed etiam iniusta videtur.

quodiversusabis
https://arbitrixelegantiarum.home.blog

Re: :(

[beluosus]

Vere mors iuvenis, etsi ignoti cuiusdam, inuista videtur. Attamen nuntio tuo lecto non potebam quin laetar te iterum ephemeridem latinam gerere, amica.