luctus

[beluosus]

Michael, amicus veterrimus, nuper Vrbem invisiit. Uno die solo convenimus, ut parvo in theatro fabulam spectaremus. Exinde in tabernam. Immo, in duas. De veris et tristibus colloquebamur, de vita et morte, de arte, de rebus publicis. Mundus non valet, neque circulus amicorum noster inibi. Tempus inimicum corpora videlicet omnia deterebat, sed et aeque, ut videtur, animas lacessebat. Quot e nostris dementabant ! aut reliquos arcebant, seu deserebant, seu prodebant. Saepius amicitiam extingui sivimus, vel necesse quidem extinximus ne furentes nos ad undas secum detraherent. Laetor congressu caro cum amico, at hercle ! quin tanta tristia tulit.