choliambi

[beluosus]

Hypnos mihi te misit, O Sabinella,
dulcissimum solamen anxiae noctis.
ridente tunc amanter appropinquasti ;
lascivia nitebat aureus vultus
inluminabatque sordida voluptate.
in fervidum sinum proterviter tractus
laete vacillabamus impetu molli,
exin solum lapsi sumus volutantes
et basiabamus — deinde fugisti ;
ne somnio quidem cupido durabit.