beluosus | (no subject)

Solus in thermopolio verba ignoti scribae babylonici legebam sententiasque latine reddebam. Identidem calamum seposui ut horologium inspicere, quippe horae hodiernae celerius fugiunt, et tempus non vacat. Alii me arcessiverunt ; libris et commentariis in sarcina positis caffeaque exhausta ex calore thermopolii in ventosam vesperem pluviosam discedo. Chlamys imbrem aliquantum avertit, at vereor ne guttae in saccum permanent. Horresco dum in cervicem stillat. Lampades crepusculum londiniense obnituntur ; nebulam inluminant, et umbras arborum hiemalium madidato in pavimento iaciunt. Horti publici inanes, sed inter aedificia universitatis subito turba discipulorum circumdatus sum. Hi per pluvium currant, illi in ianuis refugim petunt. In loco clamoris sermonum soliti, rarae voces procella dispersae ad aures attingunt. Iter me ducit per vallem aedium scholarum II, praeter ecclesiam inanem, praeter librariam frequentem, usque ad classem quo haec antiqua verba legimus, scribimus, pronuntiamus.

Talibus momentis me fingo verum discipulum -- aut in pelicula e serie Hammer Horror esse.