beluosus | (no subject)

Cuiusdam fabellae a Gerardo de Nerval scriptae memini, quam olim noctu in cubile obdormiens legeram. Argumentum non recordor, sed sensus operis in memoria manet. Tituli enimvero oblitus sum. Velim nunc relegere, attamen ullo in libro invenire nequeo. Credideram eam in codice rubro esse ; multa florilegia habeo, sed memor sum fabella hoc in codice inesse -- nisi fallor. Indices fabellarum carminumque inibi scrutatus sum, at nullus titulus hanc fabellam commonefecit. Titulos singillos meditabar, et omnes, quorum agumenti meminisse nequibam, summatim perlegi. Frustra, quod non adest ! Hoc libro seposito, alia florilegia eodem modo perscrutabar. Nusquam opusculum inveni.

An legi hanc fabellam an somniavi ?