distensio

Diu agnosco me tacere. aliter itam agam, sed silentiam tempore tristi sumere soleo. Timiditatem dissimulo, sed taciturnitas est mihi ingenita, autem nisi sim maerore oneratus non invicta. Nuper verba in ima lingua moruntur, devorantur. Sententiis indictis tumesco.

Paulatim difficultates remittunt. Paupertatem tandem superavi, ut de rebus futuris vera cum spe in loco tristitiae tacitae colloqui possim. Nunc consilia deserta recolere incipio. Decem post menses denique calamum novum calligraphicum emi. pulchrius enim litteras graecas tali stylo scribo. Mox photomachinam novam quoque emero; quot abhinc menses hoc consilium fecerim ignoro.

Satis nunc de mercatura! emere haud est summum gaudium, etsi tamen res causa arti et scrptioni fovendi emam. Quippe in rebus externis versor. Ter una in hebdomade amicos in tabernis variis invisimus; quam insolitum! nunc pecuniam habemus ut comissemur. Omnia paene elementa grata diebus paucis adibant: ars, litterae, amici, saltatio, musica, caffea, fututio, temeta, colloquia, crapula. An summatim ut Martialis dicam: balnea, vina, Venus.