(no subject)

Die Veneris vespere discipula et ego ut solemus in caffeo sub libraria convenimus. Lente per librum progredimur, quod rerum status nunc est studiorum idoneus. Mensem maium speramus aptiorem futurum. Attamen post conventum laetissimum me sensi. discipula iterum dixit me magistrum fieri debere. Fortasse dicit recte ; gaudeo quidem Latine docens.

Posteaquam diversos discessimus Mellem in loco King's Cross inveni ut ad tabernam nocturnam, cuius nominis oblitus sum, B-Movie petitum iremus. Taberna haud facile invenimus ! primum gothicos quosdam in pavimento secuti sumus, sed ad tabernam aliam adierunt. In via frustra erravimus donec gothicae secundae velut ductrici obviam ivimus.

Taberna nova est bella et bona. tabulata iii habet, sed hac nocte duobus solis abuti potuimus, quod convivium diei natalis in summo tabulato actum'st. Celebratores nequaquam gothici erant ; offensus mundorum duorum totam per noctem risum spargebant. Puerum praecipue unum ridebamus --et sine derisu-- quem sescenties vidimus per turbas gothicas ad latrinam mirantibus cum oculis ambulare. Gothicos inscios scalas ad convivium ascendere cum iublio spectabamus ; eos frustra clamavimus quasi personas in pellicula hororis : NOLITE INIRE !

Plerumque in lectulo mansi. Saltare,qua de causa nescio, nollem. De litteris Germanicis Graecisque, et de Bibliis Sacris effutiebam. Postea dixit ΄Ρ- me tantopere laetum visum esse, laetiorem quam me perlonge videri. Eheu post discessum laetitiam delevi.

(no subject)

(Sappho)