Letzte Woche

Vesperi die Iovis ad librariam Treadwells revenimus ut acroasem de ruqia, magia arabica, ab amica discipulaque mea datam auscultarem. Commentarios in pugillaribus propere exscripsi, sed postea eam exemplar tractatuli rogavi. Plane multa de geniis in fabulis arabicis ignoro ; sed exordium fuit sermo eius optimum eloquentissimumque. Multae postea erant quaestiones, de quarum natura quondam (vide alicubi supra) scripsi vel planxi. Scilicet suaviter et maxima cum venia respondebat, sed inscite stultos obiter culpavit ; adeo quidem me placuit ut enarrare deberem.

Quidam rogavit nonne lingua Arabica exercitationi ruqiae necesse sit. Pro certo, ait, idem ac nemo potest cabalae studere nisi linguam Iudaeicam sciat. Cum denique ei dixissemus perpaucos cabalistas in terris anglophonicis Iudaeice intellegere, funditus obstupuit, quid triste me placuit : fidem eius scholasticam admiror sed vulgus profanum saepius ignorantiam impudice pandere vidi.

Die Veneris ad tabernam cuius nominis non recordor ivimus ut gregem Zombina and the Skeletones audiremus. Bene cecinerunt etsi systema sonorum erat miserum. Sed longe cum Helena colloquebamur, quam non satis nuper visimus.

Die Saturni dies natales Ruth et Kitty simul celebravimus. In taberna convenimus deinde in popina vegetariana cum Fran CJ et EJ inter alios cenavimus. Post cenam diverse discessimus. ; Mel et ego ad The Minories venimus ut Invocationi (ut nuncupatur) adessemus. Cum Ray et Liana noctem egimus, passim mensam reliquentes ut saltaremus. Religionem horas tractabamus cum nimis fumabamus sicut philosophi existentiales. Si (hoc ebrie putavi) omnes duces religionum recentium in taberna nocturna convenirent, et una colloquebantur, biberent, saltarent, aetas nostra pacem haberet. Quoniam nos -- iudaei mahometani atheoi et christiani -- laete et pacifice in eadem mensa comissabamur. Si nos, cur non omnes ?

Hora decima turba eiecta est, et sub aurora domum vecti sumus.