Britannicus sum

Epistolam a concilio promissam, quam, ut dixerat, necessariam fuisse, numquam accepi. Itaque mane, videlicet post noctem sopore carentem, concilium telephonavi. Primum adiutrix non intellexit, ut iterum post dimidiam horae partem me oporteret tabularios ipsos telephonare. Attamen casu iterum eandem adiutricem per telephonum vocavi. Fortuiter cum explicavissem caerimoniam hodiernam agi, tabulariis consultis me ad aulam arcessivit. Cucurrimus igitur ad laophorum, quod post horam caerimonia incipit. Ad horam deorum gratia advenimus.

Passportum et epsitolam a Home Office inspexit custos togatus, qui nos in conclave inire iuberet. Inibi, cum aliis XXx, exspectare debuimus . Dum exspectabamus, adiutrices ii cives novos in tabulas suffragii perscripserunt. Deinde aliud in conclave custos omnes singulos advocavit ut tabularii ipsi passportum epistolamque inspecterent, et papyrum quendam subscriberemus. Denique in conclave concilii nos duxerunt, in quo carmina Beatlensia canebantur. Deinde familiisque amicisque intrare permiserunt.

Musica dirempta maior ingressa'st. Tabularius sermonem, maior orationem dedit. Iusiurandum Reginae heredibusque eidem ac Regno Britanniarum una iuravimus. Iterum the Beatles per stereophonum canebat dum novi britannici nomina consignabant et chartas ad civitatem donandum accipiebamus (mihi 8 days a week sonabat). In fine hymnum God Save the Queen cantavimus, immo vero murmuravimus -- ut veri Britanni !

Post carimoniam Mel et ego in thermopolio francogallico prandimus. Inibi alios cives novos conspeximus.