(no subject)

Somniavi me in collegium revenire, non iterum discipulus sed conventiculi causa. Advenientem in dormitorio « A » minister me demorari iussit. Clave accepto sarcinam ad cubiculum seu immo cellulam tuli. Vestimenta in arce posui, varia neccessaria in thecis ordinavi. Eheu, libellum carissimum, illud Buch der Lieder Henrici Heine (sc. editionem Reclam), quod ubique mecum teneo, quoquomodo perdidi. Frustra per omnia quaesivi, tandem spe demissa constitui e dormitorio discedere ut ad forum scholasticum ambularem. Quam longe -- viginti enim annos -- afueram, tamen itineris inter domitoria et forum totius memini. Primum trans campum ludorum, dein sub marmoris fornice triumphali, dein praeter lapidis templa deorum in viam sacram ivi. Pyrimidium aureum in summo obelisco radiis solis occidentis flagrabat dum forum attingo. Servi aedificia collegii claudebant, ut non in bibliothecam ire possem. Itaque in aedes sodalitatis discipulorum veni cibum petitum. Thermopolium et popinella etiam clausa sunt, sed ministra benigna mihi panem dedit. Non frigidus vesper vernalis ; reveni igitur in forum laterum rubrorum. Trans forum, inter aedificia gemella philosophiae naturalis et mathematicae sacra tandem in silvam progressus sum. In luco stabat castellum. Magna porta in moenibus hiabat, intus lux et musica lyrorum. Cupide inii, et Christina me salutavit. Mihi dixit se librariam suam, illam Treadwells, quod iterum crescuit, maius in aedificium migrare debuisse. Itaque hanc arcem antiquam emit. Exinde me ad ritum paganum media nocte in aula acturam invitavit. In herbis, flavis circumdatis floribus -- eiusdem coloris est libellus amissus -- sedi ut expectans panem ederem.

(no subject)

Convivium in taberna Shaftesbury actum'st, ut omnes Tinam valere iuberemus. Cum ea vix colloqui potuimus. Amplectabamur autem et lachrymas eius detergebamus. Praeterquam tristitiam, quae convivis imminebantur, omnes gavisi sunt. In principio Simoni et Gary & Lorenae obviam iimus. Smaf mecum longe de scriptore furenti Antonino Artaud sermonem habuit. Is videlicet opera artaudensia numquam legit, sed magno cum horrore spectavit amicullam Nadiam scripturam eius vecordem scholae causa animadvertere. Gothici saepius Artaud ignorant ; incredibile quidem dictu, quippe Bauhaus de illo carmen cecinit. Fran et brevius CJ quoque, et Georgie, et Poggs aderant. Libenter cum eis, quos raro inviseremus, sermocinati sumus. Psyche musicam in discos attulerat, etenim multa nocte quidam eae pianoforte canere persuasit.

Scilicet evito de discessu scribere. Octem iam dies Tina Londinii remanebit. Vix possum credere illam vere abituram. Die Veneris iter in fines Sericorum faciemus. Cum revenerimus, etiam ex urbe discesserit. Dixit nobis mundum hodiernum parvum, sed nequeo quin verear ut illi iterum obviam eamus. Certe amicitia spatium superare potest, hic autem discessus insolitius videtur. Magis a maerore fugit quam novam in vitam praecipitat. Mihi confessa'st se non compotem animi. Apud matrem incolabit ; animum dolorosum non delenebit. Quorsum metuo ? Quod accidet, accidet, et puto, aut immo spero, amicam sat fortem ut mala vincat, ut arte praecellat, ut beata quondam fiat. Non abeo, ait, ad aeternum. Nonne ad aeternum ?



----



In media schola ambulantem discipula quaedem sub me cucurrit. Heus ! inquit, te semper ibi conspecto : volebam rogare num te photographare possim. Dubitavi, inopinata petitione confusus. Quamobrem ; inquam. Fabulam, inquit, scribo. Habitum cool habes, qui personae valde deceat. Volo photograpum quod magistrae vestimentorum ostendere possim ut idem faciat.

Nescio quis e nobis maius erubuerit. Pro certo adsensus sum ut artem et academica foverem. Nemo me photographum poposcit postea quam coma mohicana detonsa'st. Plane desueveram.