(no subject)

[beluosus]

Austrinam ad oram iimus ut fabulam spectaremus et litus exploraremus. Eastbourne se iactat apricosissimum in Britannia oppidum esse -- heu heu, credo recte ! Sed fabula in Vrbe non agebatur et quam longe a mari aberamus. Parvulum igitur iter fecimus. Animo mari appropinquente incitato, in ferrovia hendecasyllabos componere conatus sum, carmen autem haud confeci. Nescio an metrum mutare debeam. In litore locum errabundum veteribus in pugillaribus propere exscripsi, quo sententias informes captavi ; fortasse has melius versibus exprimere possim, et carmen in orationem solutam mutandum.

Paene centum photographorum feci, quae etiam non excrevi. Credidi me plura dicere voluisse, sed recens obmutui.

Comments

[nemo oudeis (from livejournal.com)]

Hortor ut et imagines et carmen nobiscum partiaris! Nam ut semper placet locos Anglicos videre, ita etiam semper arridet versus novos evolvere!

[beluosus]

Vere heri vespere photographa ordinare in animo habui, attamen fatigatus post laborem oblitus sum. Omnia mox ostentare tibi polliceor, nisi carmen, quod eheu etiam componi denegat.

Aliud autem carmen parvulum confeci, quod interim proferam.